| 2907. | தேர்இனம் துவன்றின; சிறு
கண் செம் முகக்
கார்இனம் நெருங்கின;
காலின், கால் வரு
தார்இனம் குழுமின;-தடை
இல் கூற்று எனப்
பேர்இனம் கடல்
எனப் பெயருங்காலையே. |
தேர் இனம் - தேர்களின் கூட்டங்கள்; துவன்றின - நெருங்கின;
சிறுகண் செம்முகக் கார் இனம் - சிறிய கண்களையும் சிவந்த
முகத்தையுமுடைய மேகங்களைப் போன்ற யானைக் கூட்டங்கள்;
நெருங்கின - அடர்ந்தன; காலின் கால்வரு - காற்றைப் போலக்
கால்களால் விரைந்து ஓடி வரும்; தார் இனம் - குதிரைப் படைகளின்
கூட்டங்கள்; குழுமின - திரண்டன; தடை இல் கூற்று என - தடுக்கப்
படாத யமனைப் போல; பேர் இனம் - பெரிய அரக்கராகிய காலாட் படை;
கடல் என - கடல் போல; பெயரும் காலை - செல்லும் பொழுதில்; ஏ -
ஈற்றசை. கார் - உவமவாகுபெயர் : யானை என்பது விளங்கச் 'சிறுகண்
செம்முகக் கார்' என்றார் சிறிய கண்களும் செம்புள்ளிகளும் உத்தம
யானைக்கு இலக்கணமாம். தார் : குதிரைச் சேனை. துவன்றின், நெருங்கிய, குழுமின என்பவற்றில் ஒரு பொருளே
மீண்டும் வந்ததால் பொருட் பின்வரு நிலையணியாம். முன்னே காலாட்படை
பெயரத் தேர், யானை, குதிரை என்னும் முப்படைகளும் பின்னே
பெயர்த்தன என்பது கூறப்பட்டது. தார் - கிண்கிணிமாலை. அதனைப்
பூண்ட குதிரை என்க. 33 |