| 2915. | இந்திரன் முதலினோர்
எறிந்த மாப் படை
சிந்தின தெறித்து உக,
செறிந்த தோளினார்;
அந்தகன், அடி தொழுது
அடங்கும் ஆணையார்;
வெந் தழல் உருவு
கொண்டனைய மேனியார் |
இந்திரன் முதலினோர் - இந்திரன் முதலான தேவர்கள்; எறிந்த
மாப்படை - (தம்மேல்) வீசித் தாக்கிய சிறந்த ஆயுதங்கள்; சிந்தின
தெறித்து உக - (தம்மைச் சிறிதும் ஊறு படுத்தாமல்) தெறித்துச் சிதறிப்
பொடியாகச் சிந்திப் போகும்படி; செறிந்த தோளினார் - வலிமை செறிந்த
தோள்களை யுடையவர்கள்; அந்தகன் அடிதொழுது - (உயிர்களை
வதைக்கும்) யமனும் தங்கள் பாதங்களில் வணங்கி; அடங்கும் ஆணையார்
- அடங்கிப் பணியும்படி செய்யும் அதிகாரமுடையவர்கள்; வெந்தழல் -
கொடிய நெருப்பே; உருவு கொண்டு அனைய மேனியார் - ஒரு
வடிவெடுத்து வந்தாற்போன்ற வடிவம் உடையவர்கள். வெம் தழல் உருவு கொண்டனைய மேனியார்- தற்குறிப்பேற்றவணி. 41 |