கொடி - துகிற்கொடிகளும்; தழை - மயிற்பீலிகளும்; கவிகை -
குடைகளும்; வான் தொங்கல் - உயர்ந்த குஞ்சங்களும்; குஞ்சரம் படியுறு
பதாகை - யானைகளின் மேல் பொருந்திய பெரிய கொடிகளும்; மீ
விதானம் - மேற்கட்டிகளும்; பல் மணி இடையிலாது - பல வகை
இரத்தினங்களும் இடைவெளியில்லாமல்; எங்கணும் இசைய - எல்லா
இடத்தும் பொருந்த; மீமிசை மிடைதலின் - வானத்தில் நெருங்குவதால்;
உலகு எலாம் வெயில் இழக்கவே - உலகங்களெல்லாம் சூரியனொளியை
இழந்தன.

     கொடி முதலியன உலகு முழுவதும் வெயில் புகாதபடி மறைத்து
இருளைச் செய்தன என்பது தொடர்புயர்வு நவிற்சியணி.

     தொங்கல்; குஞ்சம்; ஆகுபெயர்கள்.                         48