நிலமிசை - தரையின் மீதும்; விசும்பு இடை - ஆகாயத்தின்
மேலும்; நெருக்கலால் - (இடைவெளியில்லாமல்) நெருக்க முண்டானதால்;
கொலை மிசை நஞ்சு என - போரில் கொல்லுதலை மேற்கொண்டு
விடத்தைப் போன்று; கொதிக்கும் நெஞ்சினார் - கொதிக்கின்ற
மனமுடைய கொடிய அரக்கர்; நெடு மலைமிசை - உயர்ந்த மலைகளின்
மேல்; மலை இனம் வருவபோல் - வேறு மலைக் கூட்டங்கள் ஏறி
வருவன போல; மலைத் தலைமிசைத் தலைமிசை - மலைகளின்
சிகரங்கள் தோறும்; தாவிச் சென்றனர் - (கால் வைத்துத்) தாண்டிக்
கொண்டு சென்றார்கள்.

     பூமியிலும் வானத்திலும் சேனைகள் நெருங்கி வெற்றிடமில்லாமல்
ஆக்கியதால் பல அரக்கர்கள் மலைகளின் மேலே பாய்ந்து நடந்து
போயினர் என்பது அவர்களுக்கு மலை மேல் மலை வருவதை இல்பொருள்
உவமையாகக் கூறினார். வருவ; பெயர்.                            55