| 3076. | அன்னவன் அமைச்சரை நோக்கி,
ஆண்டு ஒரு
நல் மொழி பகரினும்
நடுங்கும் சிந்தையர்,
'என்னைகொல் பணி?'
என இறைஞ்சுகின்றனர்.
கின்னரர், பெரும்
பயம் கிடந்த நெஞ்சினர். |
அன்னவன் - இராவணன்; அமைச்சரை நோக்கி - தன்
அமைச்சர்களைப் பார்த்து; ஆண்டு - அவ்விடத்தில்; ஒரு நல்மொழி
பகரினும் - ஒரு நல்ல சொல்லைப் பேசிடினும்; நடுங்கும் சிந்தையர் -
(தங்களைத் தண்டிக்கும்படி உரைத்ததாக எண்ணி) அஞ்சும்
மனத்தவர்களாய்; பெரும் பயம் கிடந்த நெஞ்சினர் - மிகுந்த பயம்
செறிந்த உள்ளத்தவர்களாய்; பணி என்னை கொல் என - கட்டளை
யாதோ என்று; கின்னரர் - கின்னர வேந்தர்; இறைஞ்சுகின்றனர் -
வணங்கி நிற்கவும்.... கின்னரர் - கின்னரம் என்னும் இசைக் கருவி வாசிக்கும் தேவ
இனத்தவர். 10 |