இராவணன் அடிகளில் சூர்ப்பணகை விழுதல்

    என்று இனைய வன் துயர் - இவ்வாறான பெருந்துயரத்தை;
இலங்கை நகர் எய்த - இலங்கை நகர மக்கள் எய்தவும்; நின்றவர்
இருந்தவரொடு ஓடு நெறி தேட - அமர்ந்திருந்தவரும், நின்றிருந்தவரும்
ஓடுதற்கு வழி பார்க்கவும்; குன்றின் அடி வந்துபடி கொண்டல் என -
மலையடிவாரம் நாடிச் சேர்ந்த மேகத்திரளைப் போல; (சூர்ப்பணகை) ;
மன்னன் பொன் திணி கருங்கழல் - அரசன் இராவணனுடைய
பொன்னாலாகிய வீரக்கழல் அணிந்த கரிய பாதங்களில்; விழுந்தனள்
புரண்டாள் - வந்து வீழ்ந்து உருண்டாள்.

     இராவணன் சீற்றம் கொள்ளும் போது தாங்க ஒண்ணாதென ஓடக்
கருதினர் மக்கள். உவமையணி. இராவணன் - குன்று; சூர்ப்பணகை -
கருமேகம். கருங் கழல் - பாதத்துக்கு அன்மொழித்தொகை.45