கொற்றம் அது முற்றி - வெற்றி மேல் வெற்றி நிறைந்து; வலியால்
அரசு கொண்டேன் - என் ஆற்றலால் இலங்கை ஆட்சியை நிறுவிக்
கொண்டேன்; உற்ற பயன் மற்று இது கொலாம் - (இத்தகு
பெருமைக்குரிய நான்) அடைந்த பயன் இவ்வளவுதானா?; முறை
இறந்தே - என் ஆட்சி முறை அழிந்து போக; முற்ற உலகத்து -
முழுவதுமாய் இப்பேருலகின்; முதல் வீரர் முடி எல்லாம் - தலைமை
சான்ற வீரர்களுடைய தலைகள் எல்லாம்; அற்ற பொழுதத்து - அறுபட்ட
நிலை வந்தாலும்; இது பொருந்தும் எனல் ஆமே - (ஏற்பட்டுள்ள) இழிவு
என் தகுதிக்குப் பொருந்தியதாகுமோ?

     உலகத்து வீரர்கள் தலை இழந்தாலும் தங்கை மூக்கிழந்தமை
நேராகுமோ என்பது தோன்ற உரைத்தான்.                        59