| 3196. | இனையன உலகினில்
நிகழும் எல்லையில்,
கனை கழல் அரக்கனும்,
கண்ணின் நோக்கினான்;
'நினைவுறு மனத்தையும்
நெருப்பின் தீய்க்குமால்;
அனைய அத் திங்களே
ஆகுமால்' என்றான். |
இனையன - இத்தகைய நிகழ்ச்சிகள்; உலகினில் நிகழும்
எல்லையில் - உலகெங்கும் நடைபெற்ற பொழுதில்; கனை கழல்
அரக்கனும் - ஒலிக்கும் வீரக்கழல் புனைந்த இராவணனும்; கண்ணின்
நோக்கினான் - கண்களால் சூரியனைக் கண்டு; நினைவுறு மனத்தையும்-
எண்ணும் இதயத்தையும்; நெருப்பின் தீய்க்குமால் - இச் சூரியன் தீயாய்ச்
சுட்டெரிக்கின்றான்; ஆதலால்; அனைய அத்திங்களே ஆகும் - இவனும்
அச் சந்திரன் போன்றே இருக்கிறான்'; என்றான் - என்று மொழிந்தான்.
(ஆல் - அசை). 130 |