நிருதர்க்கு இறை - அரக்கரின் தலைவனாகிய இராவணன்;
சொன்னான் - மேற் கூறியவாறு கட்டளையிட்டான்; அம்மொழி
சொல்லலோடும் - அக் கட்டளை பிறப்பிக்கப்பட்டதும்; அந்நாளில்
நிரம்பிய அம்மதி - அன்று முழுநிலவாய்த் திகழ்ந்த அச் சந்திரன்;
ஆண்டு - அவ்விடத்தில்; ஓர் வேலை - ஒரு புறத்தில்; முந்நாளின் -
மூன்றாம் நாளின்; இளம்பிறை ஆகி - கீற்று நிலவாக; முளைத்தது
என்றால் - உதித்தது எனில்; எந்நாளும் - எக்காலத்திலும்; அருந்தவம்
அன்றி - அரிய நற்றவம் செய்திருந்தால் அல்லாமல்; இயற்றல் ஆமோ?-
இத்தகு அருஞ்செயல் நிகழ்த்துவது சாத்தியம் ஆகுமா? (ஆகாது).

     முந்நாள் இளம்பிறை - மூன்றாம் பிறைச்சந்திரன். 'வேண்டிய வேண்டி
யாங்கு எய்தலாற் செய்தவம் ஈண்டு முயலப் படும்' (திருக்குறள் 265)
என்னும் கருத்து ஒப்பிடத்தக்கது.                                133