முன்னைக் கதிர் நன்று - முன்பு வந்த கதிரவனே (இப்பிறையினும்)
நன்றாகும்; இது அகற்றுதிர் - இப் பிறை நிலவை நீக்குமின்; மொய்ம்பு
சான்ற - வலிமைமிக்க; என்னைச் சுடும் என்னின் - என்னையே இப்
பிறை துன்புறுத்தும் எனில்; இவ் ஏழ் உலகத்தும் வாழ்வோர் - ஏழு
உலகங்களிலும் வாழும் மக்களில்; பின்னைச் சிலர் - வேறு எவரேனும்
சிலர்; உய்வர் என்று - பிழைப்பர் என்று; அங்கு ஒரு பேச்சும்
உண்டோ - அப்படிப் பேசவும் வாய்ப்பு உண்டோ? (இல்லை) எனவே;
கன்னக் கனியும் - கன்னங்கரேலெனச் செறியும்; இருள் தன்னையும்
காண்டும் அன்றே - இருட்டின் இயல்பையும் காண்பது பொருத்தம்
அல்லவா? (என்றான்)

     இருளை வருமாறு கட்டளையிட்டான் என்பது கருத்து. பென்னம்
பெரிய என்றாற்போல 'கன்னக் கனிய' என்றார்.                    137