'ஆம், ஆம் அது அடுக்கும் - உண்மை, உண்மை, நீ கூறியது
பொருந்தும்; என் ஆக்கையொடு ஆவி நைய - என் உடலும் உயிரும்
கலங்க; வேம் - வெந்து தவிக்கிறேன்; வினையேற்கு இனி என் விடிவு
ஆகும் - கொடிய வினை செய்த எனக்கு இனி விடுதலை தான் யாது';
என்ன - என்று (இராவணன்) கேட்க; 'கோமான் - தலைவனே; உலகுக்கு
ஒரு நீ - இவ்வுலகுக்கே ஒப்பற்ற முதல்வனான நீ; குறைகின்றது என்னே-
(இவ்வாறு) மனம் சிதைவது ஏனோ?; பூ மாண் குழலாள்தனை - பூக்கள்
பொலியும் கூந்தலை உடைய சீதையை; வவ்வுதி போதி - சென்று கவர்ந்து
வருவாயாக; என்றாள் - என (ஆலோசனை) கூறினாள் (ஆல் - அசை).

     சீதையை நினைந்து நோவதைவிட, அவளைக் கைப்பற்றிஅடைவாயாக
என்றாள் சூர்ப்பணகை.                                         153