நெடுவான் உறை தச்சன் - உயர்ந்த தேவருலகத் தச்சனான
விசுவகர்மா; மனத்து உணர்ந்தான் - இராவணன் கட்டளையைத் தன்
மனதில் உணர்ந்து கொண்டவனாய்; வந்தான் - அங்கு வந்து சேர்ந்தான்;
அம் தாம நெடுந்தறி ஆயிரத்தால் - அழகிய ஒளி் மிக்க ஆயிரம்
நெடுந்தூண்களால்; அமைந்த சந்தார் மணிமண்டபம் - அமைவதான
அழகு பொலியும் சந்திர காந்த மணி மண்டபத்தை; தாமரையோனும்
நாண- படைப்புக் கடவுளாகிய பிரமனும் வெட்கப்படும்படியாக; சிந்தா
வினைஅன்றியும் - சிந்தித்து உருவாக்கிய தோடன்றி; கைவினையாலும்
செய்தான் - கைவினைத் திறன் மிளிரவும் செய்து முடித்தான்.

     சந்து - அழகு நினைவினாலும் திட்டமிட்ட செயலாலும் எழில் கூட்டி
மண்டபம் அமைத்தான் விசுவகர்மா. வெற்றி பெறுதற்குத் திட்டமும்
வேண்டும்; வினை செயல் வகையும் வேண்டும். இதை இச் செய்யுள்
உணர்த்தியது.                                               156