அறுசீர் ஆசிரிய விருத்தம்

    தண்டல் இல் தவம் செய்வோர் - விருப்பம் அழித்துத் தவம்
புரிந்த தேவர்கள்; தாம் வேண்டிய தாயின் நல்கும் - எதனை
விரும்பினாலும் தாயைப் போல் வழங்குகின்ற; மண்டல மகர வேலை -
மகர மீன்கள் உலாவும் வட்ட வடிவமான பாற்கடல்; அமுதொடும் வந்தது
என்ன - அமுத கலசத்தோடு வந்தாற்போல; பண்தரு சுரும்பு சேரும் -
இசை பாடும் வண்டுகள் மொய்க்கும்; பசுமரம் உயிர்த்த- பச்சை மரங்களில்
பிறந்த; பைம்பொன் தண்டளிர் - பொன்னிற இளந் தளிர்களாலும்; மலரின்
செய்த - மலர்களாலும் சமைத்த; சீதளச் சேர்க்கை - குளிர்ச்சியான
படுக்கை அமைந்திருக்க; சார்ந்தான் - (அதனை இராவணன்) அடைந்தான்.

     அமுதப் பாற்கடல் போன்றிருந்த பூந்தளிர்ப் படுக்கை, தவம் பலனை
எதிர் நோக்காது செய்யப்படுவது. ஆயினும் எதனையும் தரவல்லது.
இதனைத் 'கண்டல் இல் தவம்' என்றார்.                           162