அமைச்சரோடு ஆராய்தலும் மாரீசனை அடைதலும்

    காற்றினோன் தன்னை - வாயு பகவானை; வாளா - வறிதே;
முனிதலின் கண்டது இல்லை - சினப்பதனால் ஒரு பயனும் இல்லை;
குறித்த ஆற்றால் - நான் திட்டமிட்டபடி; வேல் தரும் கருங் கண்
சீதை- வேல் போலும் கரிய கண்களை உடைய சீதையின்; மெய் அருள்
புனையேன் என்றால் - உண்மையான அன்பை நான் அடைய
வில்லையெனில்; இன்னே - இப்பொழுதே; கூற்றும் வந்து என்னைக்
குறுகும் - காலனும் என்னை நெருங்கி வந்து விடுவான்; எனவே;
ஆற்றலால் அடுத்தது எண்ணும் - தம் வல்லமையால் வருங்காலத்தை
உணரவல்ல; அமைச்சரைக் கொணர்திர் - மந்திரிமார்களை அழைத்து
வாருங்கள்; என்றான் - என (இராவணன்) பணித்தான். ஆல் - அசை.

     என் வல்லமையால் சீதையைப் பெறவில்லையானால் காற்றைப்
போலவும் கூற்றும் துன்பம் செய்ய வந்து விடுவதில் வியப்பதற்கில்லை என
இராவணன் கருதினான்.                                       168