'வந்த கருத்து என்?' என, மாரீசன் வினவுதல்

அறுசீர் ஆசிரிய விருத்தம்

    அந்த இராவணன் எய்தலோடும் - அந்த (அரக்கர் தலைவன்)
இராவணன் சென்று சேர்ந்தவுடன்; இருந்த மாரீசன் - அங்கிருந்த மாரீசன்;
பொருந்திய பயத்தன் - அச்சம் அடைந்தவனாய்; சிந்தை பொருமுற்று -
மனம் வெதும்பி; வெருவுகின்றான் - கலக்கம் அடைந்தவனாய்; கருந்தட
மலை அன்னானை - கரிய பெரிய மலை போன்ற இராவணனை; எதிர்
கொண்டு - முன் சென்று வரவேற்று; கடன்கள் யாவும் திருந்திய செய்து
- சிறப்பான முறையில் உபசரணைகள் ஆற்றி; செவ்வித் திருமுகம்
நோக்கி - பொலிவு மிக்க இராவணன் முகம் பார்த்து; செப்பும் - பேசத்
தொடங்கினான்.

     தவநெறி மேற்கொண்டிருந்த மாரீசனுக்கு இராவணன் தனித்த வருகை
மனத்தில் அச்சத்தை மூட்டியது.                                   1