மாரீசன் மனநிலையும் செயலும் கலிவிருத்தம் | 3276. | மேல்நாள் அவர் வில்
வலி கண்டமையால்,
தான் ஆக
நினைந்து சமைந்திலனால்;
'மான் ஆகுதி'
என்றவன் வாள் வலியால்
போனான் மனமும்,
செயலும் புகல்வாம். |
மேல் நாள் - முன் காலத்தில்; அவர் வில்வலி கண்டமையால் -
இராமலக்குவர் வில்லாற்றலைக் கண்டறிந்திருப்பதால்; தானாக நினைந்து -
(மாயமான் ஆதற்குத்) தானாகவே எண்ணி; சமைந்திலன் - மாரீசன் முடிவு
செய்தான் இல்லை; மான்ஆகுதி - மாய மான் வடிவினை எடு; என்றவன்
வாள் வலியால் போனான் - என ஆணையிட்ட இராவணன் வாளின்
வலிமையை அறிந்திருந்ததால் அவன் ஆணையை ஏற்றுக் கொண்டவனாகிய
மாரீசனது; மனமும் செயலும் புகல்வாம் - எண்ணத்தையும் செய்த
செயல்களையும் இனிக் கூறுவோம். கவிக்கூற்று. போனான் - வினையாலணையும் பெயர். ஆல்- அசை. 40 |