| 3588. | நீள் அரவச் சரி,
தாழ் கை, நிரைத்தாள்;
ஆள் அரவப் புலி
ஆரம் அணைத்தாள்;
யாளியினைப் பல
தாலி இசைத்தாள்;
கோள் அரியைக் கொடு
தாழ் குழை இட்டாள்; |
நீள் அரவச் சரி - நீண்ட பாம்புகளாகிய வளையலை; தாழ்கை
நிரைத்தாள் - நீண்ட கையில் வரிசையாக அணிந்தவள்; அரவ ஆள் புலி
ஆரம் அணைத்தாள் - உறுமுகிற ஆண்புலிகளைக் (கோத்து) ஆரமாக
அணிந்தவள்; பல யாளியினைத் தாலி இசைத்தாள் - பல யாளிகளைக்
(கோத்துத்) தாலியாகக் கட்டியவள்; கோள் அரியைக் கொடு தாழ் குழை
இட்டாள் - கொள்ளும் (வலிய) சிங்கங்களைக் கொண்டு தாழ்ந்த
காதணியாக அணிந்தவள். 48 |