ஆங்கு - அந்த நிலையில்; அவள் மார்பொடு கையின்
அடங்கி - அவளது மார்பின் கண்ணும் கையின் கண்ணும் அடங்கி;
பூங்கழல் வார் சிலை மீளி - அழகிய வீரக்கழலை அணிந்த நீண்ட
வில்லை ஏந்திய வீரனாகிய (இலக்குவன்); பொலிந்தான் - அழகு
பெற விளங்கினான்; வீங்கிய வெஞ்சின - மிகக் கொடிய
சினத்தினையும்; வீழ் மத - வடிகின்ற மதத்தினையும்; வெம்போர் -
கொடிய போரினையும் செய்கிற; ஓங்கல் - யானையினது; உரிக்குள் -
உரித்த தோலுக்குள் இருந்து காட்சியளிக்கும்; உருத்திரன் ஒத்தான் -
சிவ பிரானை ஒத்து விளங்கினான்.

     அயோமுகி தன் மார்போடு அணைத்துக் கைகளால் தழுவித்தூக்கிச்
சென்ற இலக்குவன் உடம்பு முழுதும் மூடும் படி யானைத்தோலைப்
போர்த்த சிவபிரான் போல் விளங்கினான். மீளி -ஆண்பால் சிறப்புப்பெயர்.
ஓங்கல் - மலை; ஈண்டு யானை;இருமடியாகு பெயர்.                 61