அவனும் கடிது சென்று - அந்த அரக்கனும் விரைந்து சென்று;
அக்கடவுள் தன் கயிலையைக் - அந்தச் சிவபிரானின் கைலை மலையை;
கொடிய கொம்பினின் - தன் கொடிய கொம்புகளால்; மடுத்து எழுதலும் -
முட்டிப் பாய்ந்து எழுகையில்; முன் குறுகி - (சிவபிரான்) அவன் எதிரில்
வந்து; நின் குறை என் - ''உனக்கு வேண்டுவது என்ன?நொடிதி -
சொல்வாய்''; என்றலும் - என்று கேட்டதும்; எனக்கு - (துந்துபி) 'எனக்கு;
முடிவுஇல் வெஞ் செரு - முடிவு இல்லாத கொடிய போரினை; அருள்
செய்வான் முயல்க - அளிக்க முயல்வாயாக; எனா நுவன்றனன் - என்று
சொன்னான்.

     'என்னோடு இடைவிடாது போர் செய்ய வேண்டும்'.  என்று துந்துபி
தான் வந்த காரணத்தைச் சிவபிரானிடம் அறிவித்தான்.             5