'இலக்குவன் வரவை முன்னமே தெரிவியாமை ஏன்' என வினாதல் | 4355. | சொற்றலும், அருக்கன் தோன்றல்
சொல்லுவான், 'மண்ணில் விண்ணில்
நிற்க உரியார்கள் யாவர்,
அனையவர் சினத்தின் நேர்ந்தால்?
விற்கு உரியார், இத் தன்மை
வெகுளியின் விரைவின் எய்த,
எற்கு உரையாது, நீர் ஈது
இயற்றியது என்கொல்?' என்றான். |
சொற்றலும் - (அவ்வாறு அங்கதன்) சொன்னவுடனே; அருக்கன்
தோன்றல் - சூரியன் மகனான சுக்கிரீவன்; சொல்லுவான் - (பின்வருமாறு)
சொல்லத் தொடங்கினான்; அனையவர் சினத்தின் நேர்ந்தால் - 'அந்த
இராமலக்குவர் கோபம் கொண்டு எதிர்த்து வந்தால்; மண்ணில் விண்ணில் -
இந்த நிலவுலகத்திலோ வானுலகத்திலோ; நிற்க உரியார்கள் யாவர் -
அவர்களை எதிர்த்து நிற்கக் கூடியவர்கள்யார்?விற்கு உரியார் - வில்
வீரராகிய அந்த இலக்குவன்; இத் தன்மை வெகுளியின் - இவ்வாறு
கோபத்துடன்; விரைவின் எய்த - விரைந்து வரும்படியாக; எற்கு உரையாது
- (அதனை) எனக்குத் தெரிவிக்காமல்; நீர் ஈது - நீங்கள் இவ்வாறு;
இயற்றியது என்கொல் - செய்தது என்ன காரணம் பற்றி?' என்றான் -
என்று (அங்கதனை) வினவினான். எவ்வுலகத்திலும் ஈடில்லாத மகாவீரர் இராமலக்குவர் என்பதை
அறியாமல் வாயில் அடைத்து இலக்குவனோடு போர் செய்ய நின்றதும், அந்த
இலக்குவன் பெருங்சினத்தோடு வந்தபோது தனக்கு முன்னமே
தெரிவியாதிருந்ததும் தவறு என்று சுக்கிரீவன் குறிப்பித்தான் என்பது. ஈது இயற்றியது - கதவடைத்துக் கற்கள் அடுக்கியது முதலான
செயல்களைக்குறிக்கும். 87 |