தன்னைத் தான் உணர - (ஒருவன்) தன்னைத் தான் உணர்ந்த
மாத்திரத்தில்; தகை அறு பிறவி என்பது தீரும் - பெருமையற்ற பிறவி என்ற
பிணி நீங்கும்; என்னத்தான் - என்றே; மறையும் - வேதங்களும்; மற்றத்
துறைகளும் - பிற வேதாங்கம் சாத்திரம் முதலியனவும்; இசைத்த எல்லாம் -
சொல்லியவற்றையெல்லாம்; தான் தன்னை ஓரா - தான் தன்னுடைய உண்மை
வடிவை உணராததால் உண்டாகும்; முழுப் பிணி அழுக்கின் மேலே -
நிறைந்த நோயுடைய அழுக்குடம்பைப் பெற்றிருத்தலோடு; பின்னை - மேலும்;
நறவு உண்டு - கள்ளைக் குடித்து; முன்னைத் திகைக்கும் பித்து
பெறுவது- முன்னம் மனம் மயங்குகின்ற போதையைப் பெறுதலும்
தகுதியாகுமோ?

     பிறவித் துன்பம் நீங்கத் தன்னை உணர்தல் இன்றியமையாததாயிருக்க,
அந்த அறிவின்மையோடு கள் மயக்கத்தையும் பெறுவது என்ன விந்தை எனக்
கூறியது.  தன்னைத் தானுணர்தல் - மெய்யறிவு பெறல்.  சுக்கிரீவன்
தன்னைத்தான் உள்ளபடி உணராதது முதற்குற்றமென்றும் அதன்மேலும்
கள்ளைக் குடித்தது இரண்டாவது குற்றமென்றும்குறித்தான்.             92