நடக்க வேண்டுவன குறித்துச் சிந்தனை செய்க என இராமன் கூறுதல்

     என்று உரைத்த - என்று கூறிய; எரி கதிர் மைந்தனை - வெப்ப
மான கதிர்களையுடைய சூரியன் மகனான சுக்கிரீவனை; வென்றி விற்கை
இராமன் - வெற்றியைத் தரும் கோதண்டம் என்னும் வில்லைத் தாங்கிய
இராமன்; விருப்பினால் - அன்புடன் (நோக்கி); இனி நின்று பல பேசி
என்னோ - இப்பொழுது (வீணே காலங் கழியுமாறு) பலபடப் பேசுவதால்
வரும் பயன் யாது? நெறி சென்று இழைப்பன - முறையாகச் செயலாற்றும்
வழியை மேற்கொண்டு செய்ய வேண்டியவற்றைக் குறித்து; சிந்தனை செய்க -
ஆலோசைை செய்க; என்றான் - என்று சொன்னான்.

     வென்றி விற்கை இராமன்: எப்பொழுதும வெற்றியே அல்லாமல்
தோல்வியையறியாத கோதண்டத்தை ஏந்தியவன்.  எரிகதிர் - வினைத்
தொகைப் புறத்துப் பிறந்த அன்மொழித் தொகை.  சூரியனைக் குறித்து
நின்றது.                                                       4