பாகு ஒன்று குதலையாளை - சர்க்கரைப் பாகு போன்ற மழலைச்
சொற்களையுடைய சீதையை; பாதக அரக்கன் - கொடிய அரக்கனான
இராவணன்; பற்றிப் போகின்றபொழுது - கவர்ந்து செல்லுகின்ற போது;
கண்டேன் - (நான்) பார்த்தேன்; இலங்கை புக்கனன் - (அவன்)
இலங்கையிற் போய்ச் சேர்ந்தான்; புக்கு - (அங்குச்) சென்று ;
வேகின்ற உள்ளத்தாளை - தவிக்கின்ற மனமுடைய அந்தச்
சீதையை; வெஞ்சிறை யகத்து வைத்தான் - கொடிய சிறைக் காவலில்
வைத்துவிட்டான்; இறைவி - தலைவியான சீதை; இன்னும் ஆங்கே
இருந்தனள் - இப்பொழுதும் அங்கேதான் இருக்கின்றாள்; ஏகுமின்
காண்டிர்- (நீங்கள்) அங்கே சென்று காணுங்கள்.

     ஏகுமின் - முற்றெச்சம்.                                      59