| 4775. | குன்றொடு குணிக்கும் கொற்றக்
குவவுத்தோள் குரக்குச் சீயம்,
சென்றுறு வேகத்திண்கால்
எறிதர,தேவர் வைகும்
மின்தொடர்வானத்து ஆன
விமானங்கள், விசையின் தம்மின்
ஒன்றொடு ஒன்றுஉடையத் தாக்கி,
மாக் கடல்உற்ற மாதோ. |
குன்றொடுகுணிக்கும் - மலைகளுடன் ஒப்புமையாகப் பேசப்படும்;
கொற்றக் குவவுத்தோள் - வெற்றியையுடைய பருத்த தோள்களை உடைய;
குரக்குச் சீயம் - வானர சிங்கமாகிய அனுமன்; சென்றுஉறு வேகத்
தி்ண்கால் - செல்வதால் உண்டாகும் கடுங்காற்று; எறிதர - மோத (அதனால்);மின்தொடர் வானத்து ஆன தேவர் வைகும் விமானங்கள் -
மின்னல்இடையறாது இயங்கும் வானில் தேவர்கள் தங்கியுள்ள விமானங்கள்;
விசையின் - வேகத்தால்; தம்மின் ஒன்றொடு ஒன்று உடையத் தாக்கி -
தங்களுக்குள் ஒன்றுடன் ஒன்று உடையும்படி மோதி; மாக்கடல் உற்ற -
கருங்கடலில் விழுந்தன.
அனுமன் வேகமாகச்செல்வதால் உண்டான பெருங்காற்று மோத
அதனால் தேவர்களின் விமானங்கள் ஒன்றோடொன்று தாக்கிக் கடலில்
விழுந்தன. மாது, ஓ -அசைகள். (35) |