நீதி நின்றாய்-ஒழுக்கத்தில் நிலைத்து நிற்பவனே !; கார்மேக
வண்ணன் - கருத்த மேகம் போன்ற நிறமுடைய இராமபிரானின்; பணி
பூண்டனன் காலின் மைந்தன் - கட்டளை மேற்கொண்ட வாயுதேவனின்
புத்திரன்; தேவர் உய்யச் சீதையைத் தேர்வான் வருகின்றனன் -
தேவர்கள்வாழ வேண்டும் என்று சீதா பிராட்டியைத் தேடும்பொருட்டு
வருகின்றான்;பேர் வான் அயல் சேறி - பெரிய ஆகாயத்தின் பக்கத்தில்
சேர்வாயாக;இதில் - இதைவிட; பெரும்பேறு இல் என்ன - பெரிய
பாக்கியம் இல்லை என்று; என்னை - என்னிடத்தில்;  நீர் வேலையும்
உரைத்தது - நற்பண்பு வாய்ந்த கடலும் கூறிற்று.

     இராமபிரானின்கட்டளை மேற்கொண்டு வாயு புத்திரன் சீதையைத் தேடி
வருகின்றான். நீ அவனுக்கு உதவுக என்று கடல் கூறிற்று என்று
மைந்நாகமலை பேசிற்று. பணி - கட்டளை; பூண்டனன் - முற்றெச்சம். கால் -
காற்று. (வாயு தேவன்) நன்நெடுங்காலின் மைந்தன் நாமமும் அனுமன் (சுந் -
உரு 31)                                                (56)