நல்அறிவாளன் -நல்லஅறிவுடைய அனுமான் (சுரசையிடம்); நீ ஒரு
பெண்பால் - நீ பெண்ணாக உள்ளாய்; பசிப்பீழை - பசியாகிய துன்பம்;
ஒறுக்க நொந்தாய் - வருத்துவதால் துன்புற்றாய்; விண்பாலவர் நாயகன் -
விண்ணுலகத்தவரின் தலைவனான இராமபிரானின்; ஏவல் இழைத்து மீண்டால்- கட்டளையைப் புரிந்து திரும்பினால்; எனது ஆக்கையை
உண்பாய் -(அப்போது) என்னுடைய உடலை உண்பாயாக; நண்பால்
உதவற்கு யான்நேர்வல் - நட்புடன் வழங்க நான் உடன்பட்டேன்; எனச்
சொல்லினன் -என்று கூறினான்; நக்காள் - (அது கேட்டவுடன் சுரசை)
ஏளனமாகச்சிரித்தாள்.

     இராமபிரானின்கட்டளையை நிறைவேற்றி மீண்ட பிறகு நீ என்னுடைய
உடம்பை உண்ணுக. நான் உனக்கு அதை வழங்குவேன் என்று அனுமன்
கூறினான். அதுகேட்ட சுரசை சிரித்தாள். இங்கே விண் என்றது பரமபதத்தை.
விண்பால் இருப்பாய் - என்னும் திருவாய்மொழிப் பாசுரத்துக்கு நம்பிள்ளை
வரைந்த உரையைப் பார்க்கவும். பீழை -துன்பம்.                 (68)