| 4840. | குழலும் வீணையும் யாழும் என்று இனையன குழைய
மழலை மென்மொழிகிளிக்கு இருந்து அளிக்கின்ற
மகளிர்
சுழலும் நல்நெடுந்தடமணிச் சுவர்தொறும் துவன்றும்
நிழலும்தம்மையும் வேற்றுமை தெரிவு அரு நிலைய |
(இலங்கை மாடங்கள்) குழலும் வீணையும்யாழும் என்று இனையன குழைய - குழல்
வீணை யாழ் என்று கூறப்படுகின்ற இப்படிப்பட்ட இசைக் கருவிகள் மனம்
நெகிழ; மென் மழலை மொழி - மென்மையான மழலைச் சொற்களை;
இருந்து - வீற்றிருந்து; கிளிக்கு அளிக்கின்ற மகளிர் - கிளிகட்குச்
சொல்லிக் கொடுக்கும் பெண்கள்; சுழலும் - சுற்றிலும் உள்ள; நெடும் நல் -
பெரிய நல்ல; தடமணி சுவர்தொறும் - பெரிய மணிகள் பதிக்கப்பெற்ற
சுவர்தோறும்; துவன்றும் நிழலும் - செறிந்துள்ள நிழலையும்; தம்மையும் -
தங்களையும்; வேற்றுமை தெரிவு அரு நிலைய - வேறுபாடு உணரமுடியாத
நிலைமை உடையன.
பெண்கள்தம்மையும் தம்முடைய நிழலையும் பிரித்து அறிய முடியாதபடி
உள்ளன. மாடங்கள் மகளிர் தெரிவரும் நிலையில் உள்ளன. சுழலும் -
சுற்றிலும் உள்ள. (6) |