மேல் நிவந்து -மேல்நோக்கி உயர்ந்து; எழுந்த - நிமிர்ந்துள்ள;
மாட - மாளிகையின்; வெண் - வெண்மையான; நிலா முன்றில் -
நிலாமுற்றத்தை; பண்ணை - விளையாட்டுக்கு; நண்ணி - அடைந்து; கையின்
- கைகளினாலே; வான மீன் - ஆகாய நட்சத்திரங்களை; வாரி - அள்ளி
எடுத்து; பனால் - நீலோற்பலம் போன்ற; உண்கண் - மை பூசிய கண்கள்;
வண்ணம் - நிறமும்; படி - இயல்பும்; முறைமாற - இயல்பிலிருந்து பிறழ;
சோனை போன்று அளிகள் பம்பும் - விடாப் பெருமழை போல வண்டுகள்
இடையறாது மொய்க்கும்; சுரிகுழல் கற்றை சோர - சுருண்ட கூந்தல் தொகுதிகலைந்து கீழே வீழ; மணிக் கழங்கு - கழங்கு விளையாட்டை;
ஆடுவாரும்- ஆடுபவர்களும்.

    நட்சத்திரங்களின் ஒளியில் கண்களின் நிறம் பல நிறம் பெற்றன. பல
பக்கம் செல்லும் கண்கள் மேலும் கீழும் செல்வதால் தம் இயல்பு திரிந்தன.
கண்ணும் -உம்- அசை (திருக்குறள் 1164) பண்ணை - விளையாட்டு. கழங்கு
என்றது ஆகுபெயராய் ஆட்டத்தை உணர்த்திற்று.                 (183)