தொளையுறு -தொளைகளைப் பெற்ற; புழைவேய் - உள்ளீடற்ற
புல்லாங்குழலின் கண்ணே; தூங்கு இசைக் கானம் - மந்த கதியில் அமைந்த
இசை; துயல் உறாது - தொய்வு அடையாதபடி; ஒரு நிலை தொடர -
ஒப்பற்ற பண்புடன் தொடரவும்; இந்நிலை - இதே நிலையில்; இளையவர்
மிடறும் - மகளிரின் கண்டமும்; இசைப்ப - பாடவும்; கின்னரர் - கின்னரர்
எனும் தேவசாதியினர்; முறை நிறுத்த எடுத்த - ஒழுங்கு அமைய எடுத்த;
கிளை உறு பாடல் - இளிக்கிரமத்தில் அமைந்த பாட்டு; சில்லரி - சில்லரி
என்னும் சிறு தோற்கருவியுடனும்; பாண்டில் தழுவிய - கைத் தாளத்துடனும்
கூடிய; முழவுடன் - மத்தளத்துடனும்; கெழுமி - ஒன்றுபட (அதனால்);
அளை உறை அரவும் - புற்றின்கண் உள்ள பாம்பும்; வாய் -
வாயின்கண்ணே; அமுது உகுப்ப - அமுதத்தைக் கொட்டவும்; (அவரிசை)
அண்டமும் - அண்டங்களையும்;வையமும் - நிலவுலகத்தையும்; அளப்ப -
தனக்குள் கட்டுப்படுத்தவும்.

     இசை, சுத்தம்,சாளவம், தமிழ் என்று மூவகை பேசப்படுகிறது. அவற்றுள்
சுத்தம் தூங்கிசை. சுத்தமாவது ஓசையை உச்சரித்து நாசியிலே ஓட்டிச்
சிரத்தையும் நாபியையும் சம்பித்துத் தூங்கிசையாகப்பாடுவது (பஞ்சமரபு)
சில்லரி - வட்ட வடிவமான தோற்கருவி - சில்லரி கறங்கும் (அகம் 301)
தமிழ்இசை (145 பக்) பாண்டில் - கைத்தாளம். நுண் உருக்குற்ற விளங்கு
அடர்ப்பாண்டில் (மலைபடுகடாம் 4) பாண்டில், தாளம் என்றே அழகர்
வரைந்தார் (பரிபாடல் 15 - 42) கிளை உறு பாடல் இளிக்கிரமத்திற் பாடப்
பெற்ற பாடல். கிளை என்னும் சொல்லுக்கு பரிபாடலி்ல் (11 - 127) கிளையாகிய
இளி என விளக்கினார். யாழ் நூல் - குரற்கிரமம். இளிக்கிரமம் விளரிக்கிரமம்
- என்று மூன்று கிரமம் பற்றிப் பேசும் (பக் 82). இளிக்கிரமம் 97 ஆம்
பக்கத்தில் விவரிக்கிறார். இளி ஒன்றி நின்ற இசை (யாழ் நூல் - தெய்வ -2)
                                                      (88)