உன்னரும் -கற்பனை செய்ய முடியாத; பொன்னின் - பொன்னாலும்;
மணியினின் - மணியினாலும்; புனைந்த - செய்யப்பெற்ற;இழைக்குலம் -
ஆபரணங்களையும்; மழைக் கருங்கடைக்கண் - குளிர்ந்த கருத்த
கடைக்கண்களையும்; மின்இடை - மின்னல் போன்ற இடையையும்;
செவ்வாய் - சிவந்த வாயையும்; குவிமுலை - குவிந்த தனங்களையும்;
பணைத்தோள் - மூங்கில் போன்ற தோள்களையும்; வீங்கு தேர்
அல்குலார் - பெரிய தேர் போன்ற அல்குலையும் உடையமகளிர்; அன்ன -
அப்படிப்பட்ட; பூஞ்சதுக்கம் - அழகிய மணை; சாமரை - சாமரை; உக்கம்
- ஆலவட்டம்; ஆதி ஆம் - முதலான; வரிசையின் அமைந்த -
முறைப்படி அமைந்த பொருள்களை; தாங்கி - சுமந்து கொண்டு;
நல்நிறக்காரின் - கரிய நிறமுடைய மேகத்தின்; வரவுகண்டு - வருகையைப்
பார்த்து;உவக்கும் - மகிழ்ச்சியடையும்; நாடக மயில் என -
ஆடும் மயில்களைப் போல; நடப்ப - நடந்து வரவும்.

     உக்கம் - ஆலவட்டம். உக்கமும் தட்டொளியும் தந்து (திருப்பாவை)
கவிஞன் தன் உள்ளம் கருதியதைச் சுட்டிக் கூறுவான். அதை உளமறி சுட்டு
என்பர். இங்கே அன்ன என்பதுவும் அது. மழை - குளிர்ச்சி. சவுக்கம் என்று
பாடம் கொண்டு நாற்கோணமான விதானம் என்று பொருள் கூறப்பெற்றது
(அடை - பதி) பூஞ்சவுக்கம் - பூவினாற் செய்த இளைப்பாறும் இடம் என்பது
பழைய உரை - (அடை -பதி)                                 (89)