தக்கது என்உயிர் - சிறப்பு மிக்க என் உயிரானது; வீடு எனின் -
(உன்னால்) அழிய; தாழ்கிலா - இழிவற்ற (என்னுடைய); தொக்க செல்வம்
தொலையும் - திரண்ட செல்வம் அழிவடையும்; ஒருத்தி நீ - ஒப்பற்ற நீ;
புக்கு உயர்ந்தது -  வந்து சேர (இலங்கை) உயர்வடைந்தது; எனும் புகழ் -
என்கின்ற புகழ் மொழியை; போக்கி - ஒதுக்கிவிட்டு;(சீதையால்) (இலங்கை)
வேறு உக்கது - வேறுபட்டுஅழிந்தது; என்னும் - என்று உலகம் பேசும்;
உறு பழி - பெரும் பழிச்சொல்லை; கோடியே - ஏற்றுக் கொள்வாயா.

     சீதை பிறக்கஇலங்கை அழிந்தது என்பது நாட்டு வழக்கு. கொள் + தி
=கோடி. முதனிலை திரிந்த தொழிற்பெயர். உறு - மிகுதியை உணர்த்தும்
உரிச்சொல். வள்ளுவர் 'உறுபசி' என்பர். (குறள் 734) உக்கது - அழிந்தது.
காதல் கைகூடாமற் போனால் அழிவேன் என்கிறான். இவ்வளவு அன்புடைய
என்னை நீ ஒதுக்கலாமா என்பது தொனி.                          (112)