வில்கூடும் -வில்லைஒத்த; நுதல் திரு - நெற்றியை உடைய
திருமகளே; பின் கூடிய சேனை - காலம் தாமதித்து வந்த சேனையை;
பெருந்திசை பின்ன ஆக - பெரிய திசைகள் பின் ஆகும்படி; நின் இடை
மேவ ஏவி - நீ இருக்கும் இடத்தை அடையக் கட்டளையிட்டு விட்டு; தெற்கு
ஊடுருவ - தென் திசையைத் துருவிச் செல்ல; என்னை - அடியேனை; கடிது
ஏவினன் - வேகமாக ஏவினன்; என்ன - என்று; முன் கூடின - முன்பு
நிகழ்ந்தவற்றை; காலம் ஓர் மூன்றும் வல்லான் - முக்காலமும் அறியவல்ல
அனுமன்; கூறினன் - சொன்னான்.

     வில் கூடு -இதில் உள்ள கூடு உவம வாசகம்.            (94)