தனிப் போர்நாகம் அனையான் எறிய - ஒப்பற்ற  போரில்சிறந்த
யானை போன்ற வலிமை பெற்ற அனுமன் வீசி எறிந்ததனால்; நெடு மாப்
பணை சாகம் தழைத்தன - நீண்ட பெரிய கிளைகளும் இலைகளும்
தழைத்தனவும்; மேல் நிமிர்வ - மேலே எழுந்து விளங்குவனவும்; நெடு
மாகடலின் வீழ்வ - பிறகு நெடிய பெரிய கடலில் வீழ்வனவுமாகிய மரங்கள்;
நாளும் - எல்லாக் காலத்தும்; நெடு மாக வான்  இடை கிழிந்து - மிகப்
பெரிய ஆகாயத்திலிருந்து கீழே இறங்கி; புனல் வாரும் மேகம் எனல் ஆய
- கடல் நீரை முகப்பனவான மேகம் என்று சொல்லத்தக்கன வாயின.

     மாகம் - வானம்;மாக வான் - ஒரு பொருட் பன்மொழி.       (22)