விண் உற வீசின- (அனுமனால்) ஆகாயத்தில் சேருமாறு வீசி
எறியப்பட்டனவும்; பொன் பணை புல்லும் - பொற் கிளைகள் பொருந்தப்
பெற்றனவும்; பல் மணி பொன் மரம் - பல வகை இரத்தினங்களால் இயன்று
அழகு பொருந்தியனவுமாகிய மரங்கள்; இப்பொழுதே கொல்லும் எனும்
கொள்கையால் - இந்த அனுமன் இப்பொழுதே இலங்கையை அழித்து
விடுவான் என்ற குறிப்பால்; எல்லில் இட்டு விளக்கிய - இரவு நேரத்தில்
(உத்பாதமாக) உண்டாக்கி விளங்கச் செய்த; இந்திரன் வில்லும் ஒத்தன -
வானவில்லைப் போன்றன ஆயின.

     இரவில் வானவில்தோன்றுவது. அழிவின் அறிகுறி. அனுமன் வீசி
எறிந்த மரங்கள் இந்திர வில் போன்று ஒளி விட்டு விளங்கின. எல் - இரவு.
இந்திரவில் - வானவில்.                                        (36)