| 5466. | மயக்கு இல்பொன் குல வல்லிகள், வாரி நேர்
இயக்குறத்திசைதோறும் எறிந்தன,
வெயில்கதிர்க் கற்றை அற்று உற வீழ்ந்தன,
புயல் கடல்தலைபுக்கன போல்வன. |
வாரி நேர்இயக்கு உற - கடலுக்கு நேராகச்சென்று விழும்படி; திசைதொறும் எறிந்தன - எல்லாத்திக்குகளிலும் எறியப்பட்டனவாகிய;
மயக்கு இல்பொன் குல வல்லிகள் - ஒளி மழுங்குதல் இல்லாத பொன்
மயமானகூட்டமாக உள்ள கொடிகள்; வெயில் கதிர்க் கற்றை அற்று உற
வீழ்ந்தன -சூரிய கிரணங்களின் தொகுதி அறுபட்டு (பூமியில்) பொருந்தி
வீழ்ந்தனவாகி;புயல் கடல் தலை பூக்கன போல்வன - மேகங்கள் படிகின்ற
கடலினிடத்துப்புகுந்தனவற்றை ஒப்பனவாயின. அனுமன் வீசிஎறிந்ததால் கடலில் விழுந்த பொற்கொடிகளின் தொகுதி,
அறுபட்டு, கடலில் புக்க சூரிய கிரணக் கற்றை போல விளங்கின. தன்மைத்
தற்குறிப்பேற்ற அணி. (38) |