குன்று எனக்குவவுத் திண்தோள் - மலை போன்று திரண்ட
தோள்களை உடைய; சேடு அகல் பிரிதி மார்பன் - அழகினால் பரந்து
சூரியன் போன்ற மார்பை உடைய அனுமன்; சீறியும் தீண்டல் தன்னால் -
கோபித்த போதும் தன் கைகளால் தொட்ட சிறப்பினால்; தெய்வ மரம்
தொறும் - அங்கிருந்த தெய்வத் தன்மை வாய்ந்த மரங்களில் எல்லாம்;
தோட்டொடும் துதைந்த தம் கூட்டொடும் - இலைகளோடு
நெருங்கியனவாய்த் தொகுத்து அமைக்கப் பெற்ற தமது கூடுகளுடன்; புள்
துறக்கம் புக்க - பறவைகள் சுவர்க்கம் போய்ச் சேர்ந்தன; மீட்டு அவன்
கருணை செய்தால் - இவ்வாறன்றி, அந்த அனுமன் அருள் புரிந்தால்;
பெறும் பதம் விளம்பல் ஆமோ ? - அடையக் கூடிய நற்பதவியை நம்மால்
சொல்ல முடியுமா ? (முடியாது) மிகப் பெரும் பதவி கிடைக்கும்.

     அனுமன்சினத்தால் தீண்டியே, பறவைகளுக்கு சுவர்க்கம் கிடைத்தது.
அருள் செய்தால் எவ்வளவு உயர்ந்த பதவி கிடைக்கும் ? என்பது கருத்து.
சேடு - அழகு; இளமையும் ஆம்.                              (43)