| 5480. | தூண் எலாம்சுடரும் காசு; சுற்று எலாம் முத்தம்;
சொன்னம்
பேணல் ஆம்மணியின் பத்தி, பிடர் எல்லாம்;
ஒளிகள் விம்ம
சேண் எலாம்விரியும் கற்றைச் சேயொளிச்
செல்வற்கேயும்
பூணலாம்;எம்மனோரால் புகழலாம் பொதுமைத்து
அன்றே. |
தூண் எலாம்சுடரும் காசு - (அந்தச்சயித்தத்தில் உள்ள) தூண்கள்
யாவும் ஒளி விடும் மணிகளால் ஆனவை; சுற்று எலாம் முத்தம் சொன்னம்
- அதன் சுற்றுப்பக்கமெல்லாம் (பிரகாரம்) முத்துக்களாலும் பொன்னாலும்
இயன்றவை; பிடர் எலாம், பேணல் ஆம் மணியின் பத்தி - அதன் பின்
பக்கமெல்லாம் விரும்பத்தக்க இரத்தினங்களின் வரிசையால் இயன்றவை;
ஒளிகள் விம்ம - ஒளிகள் மிகுதலால்; சேண் எலாம் விரியும் கற்றை
சேயொளிச் செல்வதற்கு ஏயும் - ஆகாயம் முழுவதும் பரவுகின்ற
தொகுதியான சிவந்த ஒளியையே செல்வமாகக் கொண்ட சூரியனுக்கும் கூட;
பூணல் ஆம் - ஆபரணமாக அணிவதற்கு உரியதாம் (ஆதலின்); எம்
மனோரால் புகழல் ஆம் பொதுமைத்து அன்று - எம்மைப்
போன்றவர்களால், புகழ்ந்து சொல்வதற்குரிய பொதுவான காரியம் அன்று. சொன்னம் -சொர்ணம்; தங்கம். (52) |