யானைப் படையினர்

     மதம்படுகளிற்றின் பாகர் - மதநீர் தோன்றுகின்றஆண்
யானைகளைச் செலுத்தும் போர் வீரர்கள்; பொரு திசை யானை ஊரும்
புனிதனைப் பொருவும் பொற்பர் - போர் செய்யும் தன்மையுள்ள (கிழக்குத்)
திக்கின் யானையாகிய ஐராவதத்தைச் செலுத்துகின்ற பரிசுத்தனான இந்திரனை
ஒத்த அழகுடையவர்கள்; சுரி படைத் தொழிலும் மற்றை அங்குசத்
தொழிலும் தொக்கார் - வாட்படைத் தொழிலிலும் மற்றும் அங்குசம் கொண்டுயானையைச் செலுத்திப் போர் செய்யும் தொழிலிலும் சேர்ந்து
தேர்ந்தவர்கள்;நிருதியின் பிறந்த வீரர் - நிருதி என்னும் தென் மேற்கு
திசையின் காவல்தெய்வமாகிய பெண்ணின் வழியில் பிறந்தவர்கள்; நெருப்பு
இடை பொழியும்கண்ணர் - நெருப்பை இடை இடையே பொழியும்
கண்களை உடையவர்கள்;பரிதியின் பொலியும் மெய்யர் - சூரியனைப்
போன்று ஒளிவிட்டு விளங்கும்உடலை உடையவர்கள்.

     நிருதி என்றபெண், தென் மேற்குத் திசைக்குக் காவல் தெய்வம். அவள்
வழியில் தோன்றினமையால் நிருதர் எனப்பட்டனர். அரக்கர்களில் இவர்கள்
ஒரு வகையினர். இது, யானை வீரர் திறம் கூறியது.                 (12)