தோரண வாயில்மேல் ஏறி அனுமன் ஆர்த்தல்

     நந்தன வனத்துள்நின்ற நாயகன் தூதன் தானும் - (அந்தச்
சமயத்தில்) அசோக வனம் என்ற சிங்காரத் தோட்டத்துள் தனித்து நின்ற
இராமபிரான் தூதனான அனுமனும்; அரக்கர் வந்திலர் என்னும் மனத்தினன்- மேலும் அரக்கர்கள் தன்னுடன் போரிட வரவில்லையே என்ற
எண்ணுடையவனாகி; வழியை நோக்கி - அவர்கள் வரும் வழியை எதிர்
நோக்கிக் கொண்டு; சந்திரன் முதல - சந்திரன் முதலவாகிய கிரகங்களும்;
வான மீன் எலாம் தழுவ நின்ற - ஆகாயத்தில் உள்ள நட்சத்திரங்கள்
எல்லாமும் சூழ்ந்திருக்க விளங்கிய; இந்திர தனுவில் தோன்றும் - இந்திர
வில் என்னும் வானவில்லைப் போன்று தோன்றிய; தோரணம் இவர்ந்து
நின்றான் - அங்கிருந்த தோரண வாயில் மீது ஏறி நின்றான்.

     இத் தோரண வாயில்,இராவணன், இந்திரனைப் போரில்
புறங்கண்டபோது, அவனது அமராவதியில் இருந்ததைக் கவர்ந்து,
அசோகவனத்தின் வாயிலாகக் கொண்டு வந்து வைத்ததாகும்.           (15)