தானை அழிந்தபின்சேனைத்தலைவர்
ஐவரும் அனுமனுடன்பொருது வீழ்தல்

     தானை உலந்தது -சேனைமுழுவதும் அழிந்துவிட்டது; உம்பர்
உவந்தனர் - (அதுகண்டு) தேவர்கள் மகிழ்வுற்றனர்; அவ் ஆழி இலங்கை
அலம் தலை உற்றது - கடல் சூழ்ந்த அந்த இலங்கை நகரம் குழப்பம்
அடைந்தது; அழும் குரலின் கடல் ஓதை கலந்தது - இலங்கையிலுள்ளாரது
அழு குரலாகிய கடலோசை எங்கும் பரவிற்று; வலம் தருதோளவர் ஐவரும்
வந்தார் - (அப்போது) வலியைத் தரும் தோள்களை உடைய பஞ்ச
சேனாபதிகளும் போர் புரிய எதிர்த்து வந்தனர்.

     சேனைகளின்அழிவுக்குப் பிறகு, படைத்தலைவர் ஐவரும் அனுமனை
எதிர்க்க வந்தனர் என்றவாறு.                                (47)