நெய் தலைஉற்ற வேற் கை நிருதர், அச் செருவில் நேர்ந்தார், உய்தலை உற்றுமீண்டார் ஒருவரும் இல்லை; உள்ளார், கை தலைப் பூசல்பொங்கக் கடுகினர்; காலன் உட்கும் ஐவரும் உலந்ததன்மை, அனைவரும் அமையக் கண்டார்.
அச் செருவில்நேர்ந்தார் - அப்போரில் போர்செய்ய அனுமனைஎதிர்த்து வந்தவர்களான; நெய்தலை உற்ற வேற்கை நிருதர் - நெய்யைமுனையில் பூசப்பெற்ற வேல் ஏந்திய கைகளை உடையவராய அரக்கர்கள்;உய்தலை உற்று மீண்டார் ஒருவரும் இல்லை - தப்பிப் பிழைத்துத் திரும்பினோர் ஒருவரும் இல்லை; உள்ளார் அனைவரும் - அங்குப் போரிடாமல் மறைத்து பிழைத்திருந்த அரக்கர் அனைவரும்; காலன் உட்கும் ஐவரும் உலந்த தன்மை - யமனும் அஞ்சும் பஞ்ச சேனாபதிகள் அழிந்து போனதை; அமையக் கண்டார் - நேரில் கண்டறிந்து; கைதலைப் - போர்க்களத்தினின்று; பூசல் பொங்க - பேராரவாரம் மிகும்படி; கடுகினர் - (இராவணனிடம்) விரைந்து ஓடினார்கள். போரிடாமல்மறைந்து பிழைத்திருந்த அரக்கர் (உள்ளார் அனைவரும்)பஞ்ச சேனாபதிகள் இறந்ததை நேரில் கண்டார்கள். செய்தி சொல்லஇராவணனிடம் விரைந்தனர் என்க. கை - சேனைப் பகுதி. தலை - இடம்.கைதலை - போர்க்களம். (65)