வீறு உடை மாருதிமேல் வரு சேனை - வீர பராக்கிரமம்உடைய
அனுமன் மேல் வருகின்ற சேனையின் அளவு; பாறு எழு வாட்படை பத்து
இரு வெள்ளம் - போரிட எழுந்த வாள் படைகள் இருபது வெள்ளமாம்;
வேலின் அமைந்தார் - வேலாற் போர் செய்யும் படைஞர்; ஆறிரு கோடி -பன்னிரண்டு கோடியர் ஆகும்; குந்தம் மிடைந்தது - குந்தப் படையால்
போரிடுபவர்; கூறிடு வெள்ளம் - சொல்லப்படும் வெள்ளம் என்னும்
அளவினை உடையவராவர்.

     'வெள்ளம்' என்பது தமிழில் பேரெண்ணைக் குறிக்கும் சொல்.    (23)