| 5768. | 'ஒன்றோ இதனால் வரும் ஊதியம் ?
ஒண்மையானைக்
கொன்றேன்எனின், இந்திரனும் துயர்க் கோளும்
நீங்கும்;
இன்றே, கடிகெட்டது, அரக்கர் இலங்கை; யானே
வென்றேன், அவ்இராவணன்தன்னையும், வேரொடு'
என்றான். |
ஒண்மையானை -ஒளியுற்றஇந்த இந்திரசித்தை; கொன்றேன் எனின்
- நான் கொன்றேன் என்றால்; இதனால் வரும் ஊதியம் ஒன்றோ - இந்தச்
செயலால் விளையக்கூடிய நன்மை ஒன்று தானோ !; இந்திரனும் துயர்
கோளும் நீங்கும் அரக்கர் இலங்கை இன்றே கடி கெட்டது - இந்திரனும்
துயர் கொண்டிருத்தலை நீங்கும் அரக்கர்களுடைய இலங்கை நகரம் இன்றே
காவல் ஒழிந்ததாம்; அவ் இராவணன் தன்னையும் வேரொடு யானே
வென்றேன் - அந்த இராவணனையும் வேரோடு நானேவென்றவனாவேன்;
என்றான் - என்று (அனுமன்) எண்ணினான். இந்திரசித்தின்அழிவினால் ஏற்படும் நன்மைகளை அனுமன்
எண்ணினான் என்பதாம். ஒண்மை - ஒளி; ஒளி - தான் உளனாய காலத்து
மிக்குத் தோன்றுதலுடைமை. (52) |