துன்று செம்மயிர் சுடர் நெடுங்கற்றைகள் சுற்றி நின்று திக்குற -
அடர்ந்தசிவந்த மயிர்களின் ஒளியுள்ள நீண்ட தொகுதிகள் சுற்றிலும் பரந்து
நின்று எல்லாத்திசைகளிலும் அளாவ; நிரல்பட கதிர் குழாம் நிமிர -
(அவற்றினின்று) வரிசை வரிசையாக (சிவந்த) ஒளிப் பிழம்புகள் (அவனது கரிய
உடலின் மேல்) உயர்த்தெழுந்து விளங்குவதாலும்; ஒன்று சீற்றத்தின்
உயிர்ப்புஎனும் பெரும் புகை உயிர்ப்ப - பொருந்திய கோபத்தால் எழுந்த
பெருமூச்சாகிய பெரிய புகை வெளிப்படுவதாலும்; தென் திசைக்கும் ஓர்
வடிஅனல் திருத்தியது என்ன - தெற்குத் திசைக்கும், ஒரு வடவைத் தீயை,
அமைக்கப்பட்டதென்று சொல்லும்படியாகவும்.

     இராவணனதுசெம்மயிர்க்கற்றைகளும், அவன் விடும் கோபப்
பெருமூச்சும், தென் திசைக்கும் ஒரு வட அனல் (வடவாமுகாக்கனி)
அமைந்தவை போன்றிருந்தன என்பதாம்.                       (40)