இராவணன் அனுமனைச்சினந்து 'நீ யார்' என வினவுதல் 

     நோக்கியகண்களால் - (சினத்தோடு) பார்த்த(இராவணனது)
கண்களினின்றும் உண்டான; நொறில் கனல் பொறி - விரைந்து சென்ற
நெருப்புப் பொறிகள்; தூக்கிய அனுமன் மெய்மயிர் - (இந்திரசித்தால்)
சிறப்பாகப் பேசப் பெற்ற அனுமனது உடலில் உள்ள உரோமங்கள்; சுறு
கொள -  சுறு சுறு என்று எரிந்து கருகும்படி; தாக்கிய - அனுமனை
மோதிய; உயிர்ப் பொடும் தவழ்ந்த வெம்புகை - இராவணனது
பெருமூச்சுக்களோடு தழுவிச் சென்ற வெவ்விய அனல் புகைகள்; அவன்
உடல் விசித்த பாம்பின் வீக்கின - அந்த அனுமன் உடம்பைப்
பிணித்திருந்த நாகபாசத்தைப் போலக் கட்டின.

     இராவணனதுபெருஞ்சினக்குறிப்பின் கடுமையும் வேகமும் கூறப்பட்டது
என்க. நொறில் - வேகம்; வீக்குதல் - கட்டுதல்.                   (68)