அனுமன் அளித்தவிடை

     காட்டு வார்இன்மையால் - உன்னை எனக்குக்காட்டுபவர் எவரும்
இங்கு இல்லாமையால்; கடிகாவினை வாட்டினேன் - உன் காவல் சோலையை
அழித்தேன்; என்னைக் கொல்ல வந்தார்களை வீட்டினேன் - (என்
கருத்தை அறியாமல்) என்னைக் கொல்ல வந்த அரக்கர்களை அழித்தேன்;
பின்னும் - அதன் பின்பும்; மென்மையினால் உன் தன் மாட்டு வந்தது -
எளிமைப் பாட்டோடு உன்னிடத்து நான் வந்தது; காணும் மதியினால் -
உன்னைக் கண்டு செய்தி கூற வேண்டும் என்ற எண்ணத்தால் (ஆகும்).

     'மென்மையினால்உன் தன் மாட்டு வந்தது' - என்பது, 'என்னைக்
கட்டும் திறம் நாக பாசத்துக்கு இல்லை' என்ற அனுமனது கருத்தைக்
குறிப்பிக்கின்றது. கடிகா - நறுமணம் உள்ள சோலை என்றும் பொருள்
கொள்ளலாம்.                                             (109)