மீமிசை நெருக்கிஓங்கும் நெருப்பு அழல் - மேன்மேலும்
திண்ணியதாக ஓங்கிய நெருப்பின் வெம்மை; செருக்கும் வெண் கதிர்
திங்களை - களிப்பைத் தரும் வெண்மையான கிரணங்களை உடைய
சந்திரனை; சென்று உற உருக்க - சென்று அடைந்து நன்றாக உருகச் செய்ய,
(அதனால்); மெய்யின் அமுதம் -  அச்சந்திரனின் உடலிலிருந்து;
உகுத்தலால் - அமிர்தம் சிந்துவதால்; அரக்கர் சிலரும் - இறந்த அரக்கரில்
சில பேரும்; ஆவி பெற்றார் - உயிர் பெற்றார்கள்.

     நெருப்பு, சந்திரமண்டலம் சென்று தாக்கியதனால், உருகிய
அமிர்தத்துளி பட்டு, நெருப்பில் வெந்து இறந்த அரக்கர்களில் சிலரும் உயிர்
பெற்று எழுந்தனர் என்பதாம்.                                (21)