வான்வழி மீளும் அனுமன், மயேந்திரத்தில் குதித்தல் 

அறுசீர் ஆசிரியவிருத்தம் 

     விரைவின்நீங்குவென் என்னும் நினைவினன் - சீக்கிரத்தில் இந்த
இலங்கையினின்றும் போவேன் என்கின்ற எண்ணம் உடையவனாய்; ஆங்கு
மருங்கு நின்றது ஒரு குடுமிக்குன்றை - அந்த இலங்கையின் அருகேயிருந்த
சிகரத்தை உடைய ஒரு மலையை; அருக்கனின் அணைந்த ஐயன் -
சூரியனைப் போன்று சென்று சேர்ந்த அனுமன்; உலகை எல்லாம்
விழுங்கினன் என்ன வீங்கினன் - எல்லா உலகங்களையும் உட்
கொண்டவனான திருமால் போன்று தன் வடிவம் பூரித்து நின்று; வீரன்
பூங்கழல் தொழுது - இரகு குல வீரனான இராமபிரானது அழகிய
திருவடிகளை, (தனது மனத்தால் நினைத்து) வணங்கி்த் துதித்து; விசும்பிடை
கடிது போனான் - ஆகாய வழியாக விரைவில் சென்றான்.           (1)