முகப்பு			தொடக்கம்
அறவுரை

2743.	இலங்கு குங்கும மார்பன் ஏந்து சீர் நலம் கொள் சாரணர் நாதன் கோயிலை வலம் கொண்டு ஆய் மலர்ப் பிண்டி மா நிழல் கலந்த கல் மிசைக் கண்டு வாழ்த்தினான்

2744.	உரிமை தன்னொடும் வலம் கொண்டு ஓங்கு சீர்த் திருமகன் பணிந்து இருப்பச் செய்தவர் இரு நிலம் மனற்கு இன்பமே எனப் பெரு நிலம் மனன் பெரிதும் வாழ்த்தினான்

2745.	தெருளலேன் செய்த தீவினை எனும் இருள் விலங்க நின்று எரியும் நீள் சுடர் அருளுமின் எனக்கு அடிகள் என்றனன் மருள் விலங்கிய மன்னர் மன்னனே

2746.	பால் கடல் பனி மதி பரவைத் தீம் கதிர் மேல் பட மிக நனி சொரிவது ஒப்பவே நூல் கடன் மாதவன் நுனித்த நல் அறம் கோல் கடன் மன்னனுக்கு உரைக்கும் என்பவே

2747.	தேன் நெய் தோய்ந்தன தீவிய திருமணி அனைய வானின் உய்ப்பன வரகதி தருவன மதியோர் ஏனை யாவரும் அமுது எனப் பருகுவ புகல்வ மானம் இல் உயர் மணி வண்ணன் நுவலிய வலித்தான்

2748.	அருமையின் எய்தும் யாக்கையும் யாக்கையது அழிவும் திரு மெய் நீங்கிய துன்பமும் தெளி பொருள் துணிவும் குருமை எய்திய குண நிலை கொடை பெறு பயனும் பெருமை வீட்டொடும் பேசுவல் கேள் இது பெரியோய்