வீடு பேறு
 
2844.
  • வீட்டினது இயற்கை நாம் விளம்பின் தீம் கதிர்ப்
  • பாட்டரும் பனிமதி பழித்த முக் குடை
  • மோட்டு இரும் கொழுமலர்ப் பிண்டி மூர்த்தி நூல்
  • ஈட்டிய பொருள் அகத்து இயன்றது என்பவே
   
2845.
  • உள் பொருள் இது என உணர்தல் ஞானம் ஆம்
  • தௌளிதின் அப் பொருள் தெளிதல் காட்சி ஆம்
  • விள் அற இருமையும் விளங்கத் தன் உளே
  • ஒள்ளிதின் தரித்தலை ஒழுக்கம் என்பவே
   
2846.
  • கூடிய மும்மையும் சுடர்ந்த கொந்து அழல்
  • நீடிய வினை மரம் நிரைத்துச் சுட்டிட
  • வீடு எனப்படும் வினை விடுதல் பெற்றது அங்கு
  • ஆடு எழில் தோளினாய் அநந்த நான்மையே
   
2847.
  • கடை இலா அறிவொடு காட்சி வீரியம்
  • கிடை இலா இன்பமும் கிளந்த அல்லவும்
  • உடைய தம் குணங்களோடு ஓங்கி விண் தொழ
  • அடைதலான் மேல் உலகு அறியப் பட்டதே